JÁKVÆÐUR AGI
Saga // Bakgrunnur
Þeir Alfred Adler og Rudolf Dreikur, báðir geðlæknar, lögðu grunninn að svokallaðri „sjálfstjórnarkenningu“ á fyrri hluta 20. aldar og átti hún að vera lýðræðisleg aðferð til uppeldis. Kenningin gekk út á að kenna nemendum að taka ábyrgð, virða aðra og leggja sitt af mörkum til samfélagsins. Báðir komu þeir fram með hugmyndir sínar um 1920. Dr. Adler sem var samtímamaður Freud kynnti aðra hugmynd af mannlegri hegðun en áður hafði sést og talaði fyrir því að sýna börnum virðingu en sagði einnig að dekur og of mikið hrós væri letjandi fyrir þau og yrði þess valdandi að upp kæmu hegðunarerfiðleikar.
Hann trúði því að hegðun væri ekki knúin áfram af atburðum í fortíðinni heldur færðist í átt að markmiðinu
- að tilheyra - sem hefur áhrif á ákvarðanir hvers einstaklings. Dr. Dreikurs var yfirmaður barnamiðstöðvar sem vann eftir hugmyndum Dr. Adlers með fjölskyldum og skólum. Dreikur var einn af þeim fyrstu til að uppgvöta takmarkanir á hópmeðferð en hann lagði gríðarlega áherslu á gagnkvæma virðingu, bæði innan fjölskyldunnar og í skólanum. Einnig þróaði hann kenningu um bekkjarstjórnun. Dr. Adler og Dr. Dreikur lögðu mikla áherslu á lýðræði, góðvild og hugulsemi í kennslu sem og í uppeldi, en áður höfðu atferliskenningar þar sem umbun/refsing í kjölfar hegðunar, verið í brennidepli.
Lynn Lott og Jane Nelson tóku svo þessar hugmyndir upp í lok 1980 ásamt kenningum um sjálfstjórn og úr varð agastefnan Jákvæður agi þar sem horft er á orsakir hegðunar og það sem býr að baki hennar þegar leitast er við að ná fram leiðréttingu.
Jane Nelson nefnir 5 grunnþætti sem hafa þarf í huga er unnið er með Jákvæðan aga:
Hann trúði því að hegðun væri ekki knúin áfram af atburðum í fortíðinni heldur færðist í átt að markmiðinu
- að tilheyra - sem hefur áhrif á ákvarðanir hvers einstaklings. Dr. Dreikurs var yfirmaður barnamiðstöðvar sem vann eftir hugmyndum Dr. Adlers með fjölskyldum og skólum. Dreikur var einn af þeim fyrstu til að uppgvöta takmarkanir á hópmeðferð en hann lagði gríðarlega áherslu á gagnkvæma virðingu, bæði innan fjölskyldunnar og í skólanum. Einnig þróaði hann kenningu um bekkjarstjórnun. Dr. Adler og Dr. Dreikur lögðu mikla áherslu á lýðræði, góðvild og hugulsemi í kennslu sem og í uppeldi, en áður höfðu atferliskenningar þar sem umbun/refsing í kjölfar hegðunar, verið í brennidepli.
Lynn Lott og Jane Nelson tóku svo þessar hugmyndir upp í lok 1980 ásamt kenningum um sjálfstjórn og úr varð agastefnan Jákvæður agi þar sem horft er á orsakir hegðunar og það sem býr að baki hennar þegar leitast er við að ná fram leiðréttingu.
Jane Nelson nefnir 5 grunnþætti sem hafa þarf í huga er unnið er með Jákvæðan aga:
- Öryggi – nemendur þurfa að upplifa öryggi, finna að þeir tilheyri
- Virðing – Gagnkvæm virðing kennara og nemenda. Borin er virðing fyrir skoðunum og tilfinningum en mikilvægt að veita festu
- Skilningur – nemendum sýndur skilningur á hegðun sinni og leitast við að finna orsök þess að hegðun er eins og hún er. Haft í huga að það er alltaf undirliggjandi ástæða fyrir hegðuninni og reynt að vinna með ástæðuna frekar en hegðunina sjálfa. Langtímaáhrif þurf að vera góð en refsingar virka til styttri tíma og hafa neikvæð langtímaáhrif
- Félagsfærni – lífsleikni þar sem nemendur undirbúa sig undir að taka þátt í samfélaginu, virða skoðanir og tilfinningar annarra. Hlusta með virðingu
- Persónan (sjálfið) – rækta sjálfstraust hjá nemendum og gera þeim kleift að uppgvöta hvers þeir eru megnugir